2009 යනු ශ්‍රී ලංකා දේශය විවිධ පරගැතියන් විසින් ආපස්සට ඇදගෙන යනු ලබන බැමි ලිහා දමා, කඹ කපා දමා, අදින්නා වනසා දමා ඉදිරියට යන සුභ ගමන ඇරඹෙන වසරක් වේවා යන්න දේශ හිතෛෂී සැමගේ ප්‍රාර්ථනාව විය යුත්තේ ය !

එකී ප්‍රාර්ථනාව මුදුන්පත් කරගැන්මෙහි ලා, ප්‍රථමස්ථානයේ දමා සැලකිය යුතු කරුණක් වන්නේ මිනීමරු – බෙදුම්වාදී කොටි තස්‍ත්‍රවාදීන් ලක් දෙරණින් අතුගා දැමීමත්, උන්ගේ පදයට නැටවෙන පරගැති දේශපාලුවන් ස්‍වකීය බලය අතින් අඩපන කිරීමත් යන්නයි. මෙම කරුණ කෙරෙහි අතිශයින්ම  බලපාන, ශ්‍රී ලංකා ඉතිහාසයෙහි රන් අකුරින් ලියවෙන දිනයකි 2009 ජනවාරි මස ‍2 වැනි දිනය.

මිනීමරු – බෙදුම්වාදී කොටි ත්‍රස්ථවාදීන් ස්‍වකීය සිහින ඊලාමයේ පරිපාලන අගනුවර කර ගැනීමට පෙරුම්පිරූ කිලිනොච්චි නගරය අද දින ශ්‍රී ලංකා රජයේ සම්පූර්ණ බලයට නතු විය. ඔවුන් ස්‍වකීය වාණිජ අගනගරය කරගැනුමට කෙළ හැළු ත්‍රිකුණාමලය රජයට නතු වූයේ මීටද බොහෝ කලකට පෙරය. වේළුපිල්ලේ පිරපාහරන් නැමැති උන්මත්තකයා වරක් ප්‍රකාශ කොට තිබුනේ “කිලිනොච්චිය අල්ලා ගැන්ම මහින්‍ද රාජපක්‍ෂ ගේ සිහිනයක්” යනුවෙන් වන අතර නඩේසන් නැමැති අයෙකු කියාතිබුනේ “කිලිනොච්චි රැකගැන්මට ඕනෑම මිලක් ගෙවීමට තමා සූදානම්” බවයි.

ජනාධිපතිවරයා අද දින සඳහන් කළ ලෙසම, මහින්‍ද රාජපක්‍ෂ ගේ පමක් නොව, සාමය-සහජීවනය කැමැති සියළු ශ්‍රී ලාංකිකයන් ගේ බලාපොරොත්තුවක් වූ එය, ඔවුන්ගේ උපරිම මිල ගෙවා වුවද රැක ගැන්මට කොටියාට නොහැකි විය. 2009 වසර තුලම අවසන් කොටි ත්‍රස්තවාදියාද ලක් දෙරණින් අතුගා දමා, අපට වැරදුනු තැන් සහ අපට වැරැද්දවූ අයවළුන් නිවැරදිව තේරුම්ගෙන, එක් ශ්‍රී ලාංකික ජාතියක් වශයෙන් ලෝකයේ අපගේ නාමය තිර කොට ගැන්මට අප විසින් අධිෂ්ඨාන කොටු ගත යුතු වෙමු.

ත්‍රස්තවාදය යුද්ධයෙන් ජයග්‍රාහිව නිමා කළ අපට, මින් මතුවට ගැටළු මතු නොවන පාලන ක්‍රමයක් ඇති කොට ගත යුතු වෙමු. අපගේ අන්‍යෝන්‍ය අවබෝධය වර්ධනය කරගත යුතු වෙමු. පර දේශිකයින්ට අප රට තුලට ඇඟිලි ගැසීමේ සියළුම කපොළු වසා දමා, අප බලවත් ජාතියක් බව ‍පෙන්විය යුත්තෝ වෙමු !

අප මෙන්ම පර දේශක්කාරයින්ගේ උගුල් වලට වැටුනු අසරණ රටවල් වලට ඉන් ගොඩ ඒමට උදව් කිරීම අපගේ පරම යුතු කමක් කරගත යුතු වෙමු ! නවඅධිරාජ්‍යවාදීත්වයට එරෙහිව නගන හඬ අතර ශ්‍රී ලංකා නාමය ඉහලින් රන්‍දමු !

අප ශ්‍රී ලාංකිකයෝ වෙමු ! අප කිසි දිනක යටත් නොවන්නන් වෙමු ! අප ශක්‍තිමක් බව ලොවට දැනෙන්නට ඉඩ දෙමූ !

මේක නම් බ්ලොග් පෝස්ට් එකක් ගහන්නම වටින සිද්ධියක්. මෙච්චර කල් තිබ්බ විභාග වලදී වේලාසනින් උත්තර ලියල ඉවර කළාම ටක් ගාලා එළියට ඇවිල්ලා IT Room එක පැත්තේ යන්නයි මම පුරුදුවෙලා හිටියේ. ඒ වුනාට සාපෙ වේලාසනින් ලියල ඉවර වුනා කියල එළියට එන්න දෙන එකක්යැ ?

ඔන්න ඉතින් අද තිබ්බ බුද්ධ ධර්මය පේපර් එකට පැය 3ක් වෙන්කරලා තිබ්බා. බහුවරණ කොටසයි රචනා කොටසයි දෙකම එකට තිබ්බේ. ඉතින් ඒ දෙකම ඉවර වෙනකොට ගත වෙලා තිබ්බෙ පැය 1 යි මිනිත්තු 15 යි ! (මගේ බුද්ධ ධර්මයට බුදුසරණයි !) කාලයෙන් තව හරි භාගයකටත් වඩා ඉතිරියි !

ඒපාර තව පාරක් ලියපු උත්තර ටික කියෙව්වා. අප්සට් එකක් නෑ, ප්‍රමාණවත්. මොකද 2 කොටසෙ අනිවාර්ය පළමු ප්‍රශ්නය හැරෙන්නට තෝරාගන්නට තිබිනු ප්‍රශ්න 4 තිබ්බේ කොටස් 3 බැගින්. පළමු කොටස් දෙක බොහෝ ප්‍රශ්න වල තනි වාක්‍යයෙන් උත්තර ලියන්න පුළුවන් එව්වා, 3 වෙනි ප්‍රශ්නය තමයි ඡේදයක් දෙකක් ලියන්න වෙලා තිබ්බේ. ඒ වුනත් ඒකටත් උත්තර ඉල්ලලා තිබ්බේ “සැකෙවින් පිළිතුරුදෙන්න” කියලා. ඉතින් මං පුළුවන් තරං සැකෙවින් ලිව්වා ! ඒ වුනාට සමහර කස්ටිය ලියල තිබ්බා පිටුවක් විතර පිරෙන්න එක ප්‍රශ්නෙට.

ඉතින් කරන්න වෙන වැඩකුත් නැති එකේ ටිකක් මේසෙට ඔළුව තියාගෙන හාන්සිවෙලා හිටියා. බැලින්නම් මෙන්න නින්ද ගිහිල්ලා ! ඒක තමයි මම ජීවිතේ පළමුවැනි වතාවට විභාග ශාලාවක නිදාගත්තු අවස්ථාව !! ඇහැරිලා බලනකොට මිනිත්තු 25ක් විතර නිදාගෙන.

පස්සෙ සාක්කුවට අත දාල බලනකොට ඒකෙ තිබ්බා රුපියලේ කාසියක්. තව විනාඩි පහළොවක් විස්සක් ඒක රෝල් කර කර හිටියා. ආපහු ඉතින් චුට්ටක් හාන්සියක් දැම්මා ඒපාරත් විනාඩි දහයක් විතර නින්ද ගිහිල්ලා. ඇහැරෙනකොට පොඩි වැස්සක් පටන්අරන් තිබුනු නිසා වතුර බින්‍දු වැටෙන දිහා බලන් හිටියා.

කොහොම කොහොමහරි ඉතිරි වෙලාවත් අමාරුවෙන් ගෙවල දාලා විභාගෙ ඉවර වුනාට පස්සෙ එලියට එනකොට අකුරැස්ස – මාතර බස් එකක් නවත්තං ඉන්නව ගේට්ටුවගාව. ඒක නැතිවෙන්න මිනිස්සු හිරවෙලා. ඉතින් මම මොකටද ඒකෙ හිර වෙලා යන්නේ ? මමයි තව බුවෙකුයි හිටියා තව බස් එකක් එනකම්. අරක ගියා විතරයි ඊට පස්සෙ ආපු බස් එක ඉස්කෝලෙ සෙට් එක ගෙනියන්න ආපු බස් එකක් වගේ ! අපි ඒකේ ආතල් එකේ ආව. අර අපිට කලිං තද වෙලා ආපු බස් එක ගාට ගාට එනකොට අපි ටාර් ගාලා ස්ටෑන්ඩ් එකට ආවා. රාහුලේ ඉඳන් ස්ටෑන්ඩ් එකට එන්න විනාඩි දහයකට වඩා යන්නෙ නැහැනේ ? කොහොමහරි හක්මණ එන බස් එකේ හොඳ නින්දක් දාන්න හිතාගෙනයි ආවෙ. කොහේද, බස් එකේදි පාවිච්චි කරන්න තිබ්බ නින්ද නේ විභාග ශාලාවෙදි පාවිච්චි කරල තියෙන්නේ, අපරාදේ !!

විභාග ශාලා වලදී කම්මැලි වෙලාවට කරන්න දේවල් ලිස්ට් එකක් දෙන්න, කස්ටිය මට සපෝට් එක දෙන්න !!

ඔන්න ඉන්‍දියාවටත් ත්‍රස්තවාදී ප්‍රහාර එල්ල වෙලා.

නමුත් මම විරුද්ධයි ඒ ප්‍රහාර එල්ල කරපු අහිංසකයොන්ට “ත්‍රස්තවාදීන්”ය කියල කියනවට. අපි ඒගොල්ලොන්ට කියමු “විමුක්‍තිකාමීන්”ය කියල. මොකද ඒවගේ ප්‍රහාර එල්ල කරන්නත් ඒ පොඩිවුන්ට හේතුවක් තියෙන්න එපැයි. නිකංම “ත්‍රස්තවාදීන්”ය කියන එක හරි නැහැ නොවැ ?

ඒගොල්ලො ප්‍රහාර එල්ල කරන එක අනුමත කරන්න පුළුවන්, නමුත් ඉන්‍දියන් ආණ්‍ඩුව ඒගොල්ලන්‍ට ප්‍රහාර එල්ලකරන එක හරිද මම අහන්නේ ? ඇයි අප්පා, ඒගොල්ලොන්ට එල්ල කරන ප්‍රහාර ඒ අය විසින් ඔය කියන හෝටලයේ රඳවන් ඉන්න අහිංසක සිවිල් ජනතාවට වැදෙන්න පුළුවන් නොවැ ? මම නම් කියන්නේ කාටවත් ගහන්නෙ නැතිව “දේශපාලන විසඳුම”කට එන්න අපි ඉන්‍දියන් රජයට බල කරන්න ඕනය කියලයි.

ශ්‍රී ලාංකික කලාකරුවොන්ටත් මේකට දායක වෙන්න පුළුවන්. ඉන්‍දියන් රජය වහාම “විමුක්‍තිකාමීන්”ට ප්‍රහාර එල්ල කරන එක නවත්වලා ඒගොල්ලො ඉල්ලන දොළ-පිදේනි ඔක්කොම දෙන්නය කියල උපවාසයක් කරමු !

අනිත් අතට අපේ දේශපාලන පක්‍ෂවලටත් පුළුවන් මේ ගැන එක එක විකාර කියවල තම තමංගෙ ඡන්‍ද ගොඩ වැඩි කරගන්න. ඔය රජයේට සම්බන්‍ධවෙලා ඉන්න පක්‍ෂයකට පුළුවන් “ඉන්‍දියන් අර්බුදය” පිළිබඳ ශ්‍රී ලංකා ආණ්ඩුව ක්‍රියාමාර්ගයක් නොගත්තොත් ඒ කට්ටිය රජයෙන් අයින්වෙනවය කියල ලොකු ප්‍රචාරය්ක ගෙනියන්න. ඇත්තටම ඉල්ලා අස්වෙන්න ඕන නැහැ. ටික දවසක් ඕක තැන තැන යි මාධ්‍ය වලයි කිය කියා ඇවිද්දම ඇති !

මේ තමයි මම මගේ පරිගණකයේ උබන්ටු මගින් ලියන පළමුවැනි බ්ලොග් සටහන.

shipit.ubuntu.com මගින් ඇනවුම් කළ උබුන්ටු සංයුක්‍ත තැටි 30 ක් මට බදාදා (26) ලැබුනා. දැන් ඒවා බෙදාහරින්න කටයුතු කරන්න ඕනෑ. අපේ මලයා ඉගන ගන්නේ හොරණ තක්‍ෂිලාවෙ නිසා එයා හරහා හොරණ පැත්තෙත් මම විසින්ම මාතරත් මේවා බෙදා හරින්න සියළු කටයුතු සූදානම්.

මට වින්ඩෝස් වලින් නිදහස් වෙලා උබුන්ටු වෙත එන්න නොහැකියාව වෙලා තිබ්බේ උබන්ටු මත ඩයල්-අප් සබඳතා හදන්න නොදැන සිටීම සහ Dreamweaver, Photoshop සහ WAMP යන මෘදුකාංග අතහරින්න බැරි වීම.

නමුත් කොහොමහරි මට උබුන්ටු සංයුක්‍ත තැටි ටික හම්බවුනු දවසෙ වින්ඩෝස් හරහා වෙබ් පිරික්‍සමින් ඉන්න ගමන් මම දැක්කා ශාකුන්තල අයියා විසින් උබුන්ටු මත ඩයල්-අප් සබඳතා සැදීම ගැන UCSC Lodge වෙත දාලා තිබ්බ සටහනක්. ඉතින් එ්ක කියවලා මම හිතුවා අදම වින්ඩෝස් අයින්කරලා උබන්ටු දාන්න ඕන කියලා.

ඉතින් මම බලන රූපවාහනි වැඩසටහන් කිහිපය අතරින් ප්‍රියතම එකක් වන X-Files එදා රෑ 10:30 ඉඳන් 11:30 වෙනකන් තිබ්බා. ඉතින් ඒකත් බලලා ඉවරවෙලා උබුන්ටු දාන්න පටන්ගත්තා. උබුන්ටු ස්ථාපනය 25% ක් වේගෙන එනකොට දෝෂ පණිවුඩයක් ආවා සංයුක්‍ත තැටිය කියවන්න බැරිය කියලා. ඒත් මම නැවත වතාවක් පරිගණකය ප්‍රතිපනගන්වලා ඒ සංයුක්‍ත තැටියම යොදාගෙන නැවත ස්ථාපනය කරන්න උත්සාහ කලා. කොහෙද, ඒත් හරියන්නේ නැහැ. ඔන්න ඔය විදියට තුන් පාරක් විතර උත්සාහ කරලා අන්‍තිමට වෙනත් සංයුක්ත තැටියක් යොදාගෙන ස්ථාපනය කරන්න පටන්ගත්තා. ඔන්න ඒ පාර වැඩේ හරි !

ඊයෙ දවසෙ මම බැලුවේ මගේ අත්‍යවශ්‍යම මෘදුකාංග ලයිස්තුව සඳහා උබුන්ටු ආදේශක ටික ස්ථාපනය කරගන්න. Photoshop සඳහා නම ්ගැටළුවක් වෙන එකක් නැහැ ස්වභාවයෙන්ම උබුන්ටු මත GIMP පිහිටුවල තියන නිසා. නමුත් ඒකෙ වැඩකරන එක ටිකක් මොළේ කචල් වෙන වැඩක්. මොකද එකම මෘදුකාංගයක කොටස් වෙන වෙන කැබලි විදියට තිරයේ දර්ශනය වීම සඳහා අනුගත වීම වින්ඩෝස් හරහා පරිගණකයට අවතීර්ණ වුනු මට ටිකක් නුහුරුයි. ඒ නිසා මම GIMP සඳහා වෙනම ඩෙස්ක්ටොප් එකක් භාවිතා කරන්නයි හිතාගෙන ඉන්නේ. නමුත්, ඒකේ අභ්‍යන්‍තර ක්‍රියාවනුත් මට කාම හරියට පුරුදු නැහැ. නමුත් මම ඒවා පුරුදුවෙන්න උත්සාහ කරනවා. බැරිම වුනොත් දුකටත් එක්ක wine ටිකක් පාවිච්චි කරන්නයි හිතාගෙන ඉන්නේ !

Dreamweaver සඳහා හොඳම ආදේශකය BlueFish කියලා තැන් කිහිපයකම තිබ්බා. ස්ථාපනය කලාමයි දැක්කේ, ඒක සතුව Design View එකක් නැහැ. මම ඔය කේත ලියන එකට වඩා ටක්ගාලා මෙවලම් පෙට්ටි සහ මෙවලම් තීරු සමග වැඩකරන්න කැමතියි. පස්සේ ඒකටත් විසඳුමක් හම්බවුනා. ඒ nvu කියල එකක්. නමුත් තාම ඒක ස්ථාපනය කරන්න උනේ නැහැ.

WAMP සම්බන්ධයෙන් නම් තත්‍වය ටිකක් බරපතලයි වගේ ! මොකද වින්ඩෝස් සඳහා WAMP තනි ස්ථාපකයක් (installer) විදියට ආවත් මෙතැනදි මට Apache, PHP+GD, MySQL සහ phpMyAdmin වෙන වෙනමයි ගන්න තියෙන්නේ.

අද වාරවිභාගේ තිබ්බේ ඉංග්‍රීසි විෂය නිසාත් එය හදා තිබුනේ කිසි කමකට නැති විදියකට නිසාත් පැය තුනේ ප්‍රශ්න පත්‍රයට පැය එක හමාරක් දෙකකින් විතර උත්තර ලියලා ICT Unit එකටත් ගිහිල්ලා Yahoo! පොරකුත් Google කරලා සුදාරක එක්ක විනාඩි 2-3 ක චැට් එකකුත් දාලා 12.50 ට විතර ඉස්කෝලෙන් එළියට ආවා. ඒ ඇවිත් පොඩි සුජාතේ (සුජාතා විද්‍යාලය – ප්‍රාථමික අංශය) පැත්තේ ගිහිංග ස්කූල් සර්විස් වෑන් එකට නැගගත්තා. මොකද 4 වසරෙ නංගි කෙනෙක්ව වෑන් එකට ගන්න ඒ වෙලාවට වෑන් එක එතනට එනවා.

ඊට පස්සේ වෑන් එක ගිහිං නැවැත්තුවා සුජාතෙට පොඩ්ඩක් එහා. මොකද ඒකෙනුත් නංගිලා දෙන්නෙක්ම ගන්න තියනවා නේ ?

ඉතිං ඔහොම පිටි පස්සේ සීට් එකට වෙලා අර නංගි කියන එක එක විකාර අහං ඉන්න ගමන් ම දැක්කා වීදි සරන බල්ලො දෙන්නෙක් හෙමිහිට වැන් එක පාස් කරගෙන පාර දිගේ යනවා. මට මතක් වුනා මම අද ඉස්කෝලෙ ගෙනිච්ච කෑම එක මම කන්න ගත්තේ නැති බව. ඉතින් මම කොහොමත් සත්‍ව කරුණාවන්‍තයා නිසා (සිරාවටම !) මට හිතුනා ඒක අරුං දෙන්නට දෙන්න.

මම අද අරං ගිහිං තිබුනේ අම්මා ගෙදරම හදල දුන්නු පාන් වර්ගයක්. ඉතින් එව්වා දෙකක්ම තිබ්බා. මම අරුං දෙන්නට වෙන වෙනම එවුවා විසි කරා. මම හිතුවේ උන් දෙන්නා තනි තනිව උන්ට ලුබුනු ඒවා භුක්ති විඳී කියල.

කොහෙද, එක බල්ලෙක් ඌට ලැබුනු කෑම එක කටින් ගත්තා. අනිත් එකා ළඟට ගියා. දත් ටික විලිස්සගෙන අනිත් එකාට ලොකු පාට් එකක් දැම්මා. ඉතින් අර අහිංසකයා කන්න කටට ගත්තු එක අපහු බිම දැම්මා. අර ආත්මාර්ථකාමියා තනි‍‍යෙන් කෑම දෙකටම ගේම දුන්නා. අර අහිංසකයා අනිත් එකා කන දිහා බලාගෙන ඉන්නවා.

දැං කාලෙ බල්ලොත් මනුස්සයො වගේ !

ඉතින් මම මොකක්ද කරන්නේ ? අර අහිංසකයට එක කටක් කන්න ලැබුනේ නැහැ !

ඉතින් මට මතක් වුනේ අද කාලෙ ලෝකෙ පවතින තත්වෙ. ලෝකේ සම්පත් වලින් බහුතරය ජනගහනයෙන් සුළුතරයක් ඉතා සුඛොපබෝගීව දිවි ගෙවන්න යොදා ගන්නකොට ජනගහනයෙන් බහුතරය ඉතිරි සම්පත් සුළුතරයෙන් සෑහීමකට පත්වෙනවා. ඉතින් ඒ කියන්නේ මනුස්සයගෙයි තිරිසනාගෙයි හැසිරීමේ කිසි වෙනසක් නැහැ නේ ?

හැබැයි තව දෙයක්.

අර ආත්මාර්ථකාමියා කාලා ඉවර වුනු ගමන් කොහේද මන්දා දුවල යන්න ගියා. නමුත් අර අහිංසකය අපේ වෑන් එක ගාවට වෙලා අපි එතනින් යනකම් හිටියා. මම වෑන් එකෙන් බැහැලා උගේ ඇස් දෙක දිහාව ටිකක් බලාන හිටියා. ඒක මහ අමුතු බැල්මක්. මන්දා මගේ හිතේ ඇති වුනු එකක්ද කියල, මම ගාව කැමරා එකක් තිබ්බේ නැහැ ෆොටෝ එකක් ගන්න. ඌ මට බය වුනේ නැහැ. අමුතු හැඟීමකින් මගේ දිහා බලං හිටිය කියලයි මට හිතුනෙ. සමහර විට ම‍ට නිකං හිතිච්ච දෙයක් වෙන්ටැති.

මට තේරුම් ගන්න බැහැ බල්ලා කියූ දේ…

බ්‍රහ්ම දණ්ඩණය යනු ශාසන විනයට නොගැලපෙන හැසිරීම් දැරූ බුද්ධ කාලීන චීවරධාරීන් සම්බන්ධව බුදුන් වහන්සේ අනුගමනය කළ ක්‍රියාමාර්ගයකි. අවවාද, පැහැදිලි කිරීම් ආදී ක්‍රම මගින් නිවැරදි මගට නො පැමිණෙන චීවර ධාරීන්ට උන්වහන්සේ දුන් විශාලම “දඬුවම” වූයේ භික්‍ෂු සමාජය අදාළ චීවරධාරියා සමග පවත්වන සියළු සබඳතා නතර කර දැමීමයි. නමුත් ඔහුව චීවරයෙන් නෙරපීමට බුදුන් ඉදිරිපත් නොවූයේ එසේ කිරීමේ හැකියාවක් උන්වහන්සේට නොවූ බැවිනි. මන්ද චීවරය ලැබුමට කිසිවෙකුට එතුමා බල කලේ නැති බැවින්, චීවරය අතහැරුමටද කිසි වෙකුට බල කෙරුමට උන්වහන්සේට බැරිය.

මෙය දැන් මතක් කරන්නේ අපගේ බ්ලොග් අවකාශයේ සාමාජික අඩවියක් පිළිබඳව ඇතු වුනු තත්වයක් නිසාය. මෙම බ්ලොග් අඩවිය “පා පිස්ස”ක් වැනිය. අදහස් සම්බන්‍ධව අප අතර යම් යම් අදහස් ඇති අතර භාෂණයේ ආරක්‍ෂා කෙරුමට, ඊට සීමා නො පැණවිය යුතුය.

කල හැක්කක් ඇත. අපගේ සංසදයේ සහෘදයන් විසින් විවිධ අවස්ථාවල එහි පළ වන පෝස්ටයන් පිළිබඳව දැඩි අදහස් දක්වා ඇත. සංසදයේ ‍බ්ලොග අතුරින් වැඩිමනත් කමෙන්ට් ලබන බ්ලොගයක් බවට එය පත්ව ඇත. එම අඩවියේ මේ හැසිරීමට හේතුව හිට් කවුන්ටර් හුටපටයක් බවත් කනින් කොනින් ඇසෙයි.

ඔබත් එම බ්ලොගයට අදහස්මය වශයෙන් විරෝධි වන්නේ නම්, එකී අදහස් වලට එරෙහිව ගත හැකි ලොකුම ක්‍රියාමාර්ගය ඔහුව “ඔන්ලයින් බ්‍රහ්මදණ්ඩණය” ට ලක් කිරීම හෙවත් කමෙන්ට් ගැසීමෙන් වැලකීමයි. අප දමන දමන හැම කමෙන්ට් එකක් පාසා කතුවරයාට එකී විකෘති අදහස් නිර්මාණය කිරීමට තවත් පෙළඹෙයි.

මාගේ ඉහත අදහස් අදාළ වන්නේ එකී අදහස් වලට විරුද්ධව කමෙන්ට් ලිවීමට ගොස් තමන්ගේ මාර්ගගත විනාඩි සිය ගනන් නාස්ති කරගත් සහෘදයන් වෙතයි. හොඳම විරෝධත්වය එයයි. අපගේ කමෙන්ට් අඩුවන විට අර වැනි විකෘති අදහස් බාල වනු ඇත. ඉල්ලුමට නොවැ සැපයුම ? අප ඉල්ලුමක් නොදෙන්නට වග බලාගනිමු !

නමුත් කිසි ලෙසකින් ඊට එරෙහිව වචනයක් වත් තැනක නොකියන්න. මෙය ඒ පිළිබඳව මා ලියන අවසන් ලියමනයි. එම බ්ලොගය වෙත නොගොස් සිටින තරමට ඔහුගේ “හිට් කවුන්ටරය” පහල බසිනු ඇත.

මේ අදහස නම් මගේ එකක් නොවෙයි, “A Colony on Mars” නම් මා කියවූ පොතක සඳහන් වූ දෙයක්. නමුත් මේ අදහස වෙනත් අය අතරේ කතා වෙනවා මම අහල නැති නිසා හිතුනා මේක අවධානයට යොමු කළොත් හොඳයි කියල.

මේ කතාව අඟහරු වෙත ගොස් එහි ජන පද හදන මිනිසුන් පිරිසක් ගැන කතාවක්. අඟහරු මතදී ඔවුන් තම ප්‍රධාන ශක්ති ප්‍රභවය වශයෙන් භාවිතා කරන්නේ අඟහරුගේ භූ උෂ්ණත්වයෙන් ජලය වාෂ්ප කොට එමගින් ටර්බයින කරකවා උත්පාදනය කරන විදුලිය යි.

මේ සඳහා ඔවුන් අඟහරු භූමිය මත කැණීම් කොට U නලයක් වැනි දැවැන්ත නලයක් පොළොව තුලට දමා එක් කෙලවරකින් ජලය ඇතුල් කරන අතර, භූතාපය හේතුවෙන් එම ජලය වාෂ්ප වී ඉහළට ගමන් කිරීමේදී ඇතිවන චාලක ශක්තියෙන් ටර්බයින කරකවා විදුලය උත්පාදනය කරනවා.

මෙම ක්‍රමයෙන් පරිසරයට නිදහස් වන්නේ ජල වාෂ්ප පමණක් බැවින් පරිසර දූෂණයක් ඇත්තේ නැහැ. ෆොසිල ඉන්ධන භාවිතා නොවන බැවින් විදුලි ඒකකයක මිලෙහි අස්ථාවර භාවයකුත් නැහැ. න්‍යෂ්ඨික ප්‍රතික්‍රියා වලින් නිපදවෙන තාපය ආශ්‍රිතව ජලය වාෂ්ප නොකරන නිසා විකිරණ අනතුරකුත් නැහැ. අදාළ ග්‍රහලෝකය පවතින තුරු භූ තාපය පවතින නිසා අවසන් වීමේ අවධානමකුත් නැහැ. මේ සඳහා පිරිසිදු ජලය ගත යුතු යැයි නියමයකුත් නැති නිසා මුහුදු ජලය වුවද යොදාගත හැකි නිසා පානිය ජලය ගැන ප්‍රශ්න ඇති වන්නෙත් නැහැ. අවශ්‍ය නම් වාෂ්ප ලෙස පිටවන ජලයේ ලවණ ගති නැති නිසා ඒවා පානයට ගන්නත් පුළුවන් වේවි.

න්‍යෂ්ටික ප්‍රතික්‍රියා ආශ්‍රිතව නිපදවෙන තාපය හා සමාන තාපයක් ලබාගැනීමට පෘථිවි පෘෂ්ඨය කෙතෙක් දුරට කැණීම් කළ යුතු යැයි ද දන්නා කෙනෙක් ඉන්නවා ද ?

කැණීම් සඳහා අවශ්‍ය තාක්‍ෂණය දැනටමත් අප සතුයි මම හිතන්නේ. මොකද ෆොසිල ඉන්ධන ලබාගැනීම සඳහා අපි දැනටමක් සැලකිය යුතු දුරක් පෘථිවිය කණිනවා නේ ?

මොකද හිතන්නේ ?

මේ කට්ටිය දන්නෙ නැතිව ඇති යුනිකේතය කියල එකක් ලෝකෙ තියනවය කියල. නැත්නම් වෙන මොකක්ද ඉහත දැක්වෙන වෙබ් අඩවියේ අන්තර්ගතයට ‍අර වගේ කලක් යාමට හේතුව. ඔය පේන සිංහල අකුරුත් ඇත්තම අකුරු නොවේ, ඒ පිංතූර.

පුවත් අඩවියක් කියන්නේ, මොනතරම් තත්වෙකට ගේන්න තිබුන දෙයක් ද ? මේ උදවිය නිකමට වත් Google News වැනි අඩවි වලට ගිහිං නැතිව ඇති.

මේක මගේ හිතට ආපු පොඩි අදහසක්. කල්පනාකරන අයට කල්පනා කරල බලන්නත්, හිනාවෙන අයට උඩ පැන පැන හිනාවෙන්නත් එකසේ සුදුසුයි (කියලයි මට හිතෙන්නේ.).

අප සියළු දෙනාම සිහින දකිමු. දකින බොහෝ සිහින පසුදින වන විට අප හට අමතක වුවද සිහින මගින් මොළය යම් ජීව විද්‍යාත්මක අවශ්‍යතාවක් (සෛල ප්‍රතිසංස්කරණයන් වැනි) සම්පූර්ණ කරගන්නා බව ප්‍රචලිත අදහසකි. මම මේ පිළිබඳව ජීව විද්‍යාව අතින් වැඩි දුරට දැනුමක් නොමැත්තෙක් මි.

නමුත් යම් දිනක අප සිහින දකින ආකාරය, එනම් සිහින උපදින ආකාරය හෙවත් සිහින වලට අදාළ ස්ඵන්ද නොහොත් උත්තේජන මොළයේ ඇතිවන ආකාරය නිශ්චිත කරගැනුමට මිනිසා සමත් වුවහොත් කළ හැකි “ආතල්” දෙයක් පිළිබඳව මට හිතුනා.

යම් ලෙසකින් සිහින වලට අදාළ උත්තේජන උපදින ආකාරය හෙළ කර ගැනුමට අප සමත් වුනොත්, අනිවාර්යයෙන්ම එම උත්තේජන අනුකරණය කිරීමට හෙවත් අවැසි අවස්ථාවල එකී උත්තේජන නිපදවාගතහැකි යාන්ත්‍රණයක්ද වැඩි කල් නොගොස් උපදවා ගැනීමට හැකි වනු ඇති.

එවන් ක්‍රමයක් ඔස්සේ කලින් මතක ගත කරන ලද (Memory Chips, CD හෝ Flash Drive වැනි ජංගම ගබඩා මාධ්‍ය වල) උත්තේජන උකහාගෙන ඒවා මොළයට ලබාදිය හැකි උපකරණයක් නිපදවීම අපහසු කරුණක් නොවේ, මන්ද දැනටමත් අප කෙළින්ම විවිධ කටයුතු සඳහා මොළයට උත්තේජන ලබාදෙන නිසා හා චුම්භක පරිලෝකනය වැනි ක්‍රම වලින් (තවත් ක්‍රම ඇති, මම දන්නේ නැහැ) මොළයේ හැසිරීම අප නිරීක්‍ෂණය කරන නිසා. මෙවන් දෙයක් Walkman හෝ iPod එකකට එකකට වඩා විශාල විය යුතු නැහැ.

මෙවන් ක්‍රමයන් මගින් අප කැමති චිත්‍රපට ආදියන්හි චරිතයන් අප විසින්ම නියෝජනය කරමින් නරඹන්නට යම් දිනක අපට හැකි වනු ඇත. ඒ කියන්නේ (අපි ලේසියට මේ මේ උපකරණයට dShow = dream Shower කියමු ද ?) dShow එකට මෙමරි චිප් එක දාලා, මෙනු එකෙන් අපිට ඕනෑ චරිතය තෝරලා, අපිට නින්ද ගියපු ගමන් කතාව (සිහිනය) පටන් ගන්න කියලා dShow එක හදන්න පුළුවන් වෙන්න ඕනෑ. එතකොට අපිට පුළුවන් අපිටත් කතාවට සහභාගි වෙන්න අවස්ථාවක් උදා කරගන්න.

ඒ කියන්නේ නිදාගන්න ඇඳට ගිහින් එහා පැත්තේ තියන dShow එක අරගෙන උදේ ඉස්කෝලෙදි යාළුවෙක් ගෙන් හම්බවුනු X-Files Series 8- Episode – 20 චිප් එක දාලා, “හෙඩ්සෙට් එක” දාගන්නවා ඔළුවට. මෙනු එකෙන් තෝරනවා මෝල්ඩර් ගේ චරිතේ. නින්ද ගිය ගමන් කතාව (හීනය) පටන් ගන්නවා. අපි හීනෙන් මෝල්ඩර් වෙනවා.

හැබැයි පොඩි කොස්සක් තියනවා… අපි නිදාගන්නේ මොළයට විවේකයක් දෙන්න නම්, මේ වැඩේ නිසා මොළේට ලැබෙන විවේකය නැතිවෙනවා නේ ? ඒ කියන්නේ අපි dShow “බලනකොට” අපේ මොළේ වැඩ කරන නිසා ඒකට විවේකයක් ලැබෙන්නේ නැහැ නේ ? ඒක සමහර විට ශරීර සෞඛ්‍යට අගුණයි නේ ?

මොකද කස්ටිය හිතන්නේ ? කළ හැකිද ? කළත් වැඩක් ඇති දෙයක් ද ? අපි ඇත්ත ලෝකේ දකින “හීන” හොඳටම ඇති ද ?

අද දින සවස 6 කොටි ෆස්ට් (සිරස) ගුවන්විදුලියේ ප්‍රවෘත්ති විකාශය ඇහුවා. ඔවුන් කළ මෙන්න මේ ප්‍රකාශය ගැන මොකද හිතන්නේ ?

“ශ්‍රී ලංකාවේ දෙමළ ජනතාවට උපකාර පිණිස දකුණු ඉන්දීය නළුවන් එක් දින උපවාසයක.” (හරිම වචන නෙවෙයි මේ.)

ඉන්දියාවේ බලු නට්ටන් වැනි නළු බට්ටන් කරන විප්‍රකාර ගැන කියන්න මගේ බ්ලොග් එක යොදා ගන්නේ නැහැ. නමුත්, සිරස කියන ආකාරයට ඔවුන් උපවාස කරන්නේ කොටින්ට ආධාර පිණිස නොව ශ්‍රී ලාංකික දෙමළ ජනයාට ආධාර පිණිස. මම හිතන්නේ කොටි ෆස්ට් නාලිකාවට ශ්‍රී ලාංකික දෙමළ ජනයා අතරට ගෙන යන්න ඕනෑ අදහස එයයි.

මගේ ප්‍රශ්න,

කොටි දෙමළ ද ?

දෙමළ කොටි ද ?

ලංකාවේ සිවිල් යුද්ධයක් නැතහොත් ජනවාර්ගික අර්බුදයක් ඇත්තේ යැයි පෙන්වන්නට අවැසි කාට ද ?

අවාසනාවට සමහර අමාත්‍යවරුන් පවා ත්‍රස්තවාදී ක්‍රියාකාරකම් “ජනවාර්ගික අර්බුදය”ක් ලෙස හඳුන්වනවා ඇහිල තියනවා. ලංකාවේ ජනවාර්ගික අර්බුදයක් තියනවා නම්, අර අපේ සහෘද බ්ලොග් කරුවෙකු කී ලෙසම අපි තෝසයක් කාලා, ප්ලේන්ටියක් ගහල, වඩේ ගෙඩියකුත් කටේ දාගෙන එළියට බහින තත්වයක් තියෙන්න විදියක් නැහැ නේ ?