අපසු සිංහල කරා… ගමනේ යා !

ආයුබෝවන් !

“බුධාජීවගේ සිංහල අඩවිය” මාගේ දෙවන බ්ලොග් අඩවියයි. මාගේ පළමු බ්ලොග් අඩවිය Budhajeewa’s Blog වන්නේය. එය කලක් සිංහල භාෂාවෙන් පවත්වාගෙන ගොස්, පසුව එහි සඳහන් කර ඇති හේතු මත, එය නැවත ඉංගිරිසියට හැරවීමි. නැවත සිංහලෙන් බ්ලොග් නොලියන බවට ප්රතිඥාවක්ද, දුන්නෙමි.

නමුත්, සුපුන් සුදාරක සොයුරා විසින් මාගේ එකී හේතු සඳහන් කරන ලද ලිපියට දැක්වූ ප්රතිචාරය, මා නැවතත් සිංහල බ්ලොග්කරණයෙන් ඉවත්වීම පිළිබඳ සිතා බලන්නට පෙළඹවීය. මාගේ මිතුරක්ගෙන්ද කරන ලද මත විමසුමෙන් පසු, මා තීරණය කලේ Budhajeewa’s Blog ඉංගිරිසියෙන් පවත්වාගෙන යන අතරතුර, බුධාජීවගේ සිංහල අඩවිය සිංහල භාෂාවෙන් පවත්වාගෙන යාමටයි.

ෆ්ලොක් වෙබ් පිරික්සකය පිළිබඳ ලිවූ ලිපිය වැනි දේ ඉංගිරිසියෙන් ගියන අතර තුර, ශ්රී ලංකාව හා ආශ්රිත දේ පිළිබඳ අදහස් පළ වන ලිපි සිංහලයෙන් ලිවීමට මම අදහස් කරමි. ඇතැම් විට, Budhajeewa’s Blog සඳහා ලිවීමට කිසිදු කරුණක් මට නොලැබී, මා තනිකර සිංහල බුවෙක් වීමටද ඉඩ තිබේ.

ඔබ සැමට “මල පැනීමට ඉඩ ඇති බැවින්” මාගේ පම්පෝරිය මෙතැනින් නවතමි. මා සිංහලෙන් ඉංගිරිසියෙන් නොව Esperanto වලින් ලීවද, ඔබට සත පහක වැඩක් නැති බව දන්නා නිසාවෙනි.